KADA DIYA ENTERO EL ANYO

5 La sivdad, Komunidad i dinguna famiya, lo ke iva akonteser, kreer no pudiya, no se sonyaron afilu un semejante temor el kruel ke golpeo, tomo de eyos, la onor . 6 El Nazi maldicho la sivdad konkesto, realizo el plano de temor muy presto, konsentro jenitores, ermano i ermana, kon eyos tambien el nono i la nona. 7 Antes de todo, arebasharon, averguensaron, a los "banyos" de gas, presto los entraron, ombres kon mujeres, enteramente desmudos, kon sistema ekzakta, mataron muestros ermanos. 8 Las inosentes kriaturas, privilejio no tuvyeron, al krematorium, primeros los echaron, tambien los ke no teniyan fuersas a lazrar, k'el maldicho kijo, revanada de pan, ekonomizar. 9 Todos los bebes, madres i sus, kriaturas kargaron adientro los trenos komo bestias, grupos grupos de los aedados i envalidos al maldicho Aushvitz fueron mandados. 10 Sin tener kreyon, eskrivyeron kantes i poezia, el papel fue el meoyo, los biervos en memoria, asta ke vino el enformante, los guadraron, mos entrego solo, lo poko ke se akodraron. 11 Salonik, Madre i Sivdad Djudia Gresy'oza , afilu tus piedras kantavan alavasyon ermoza, destruyeron tus santas i alavadas tombas, para azer de eyas kalejas kon veredas. 12 Kultura maraviyosa de sientenos anyos, enfasaron presto i presto, los bandidos, destruyeron sinagogas, los sefarim kemaron, del inferno, muy pokos, salvados fueron . 13 Ke va ser, demandan, los ke en Gan Eden estan, la jenerasion despues de vozotros, akodrar se van? no vos kontimos nada, desde munchos anyos, guadrimos tristeza i enorme dolor, de los kavzos. 14 Oy demandi a mi amigo, salvado de la Shoa, komo te konsentites en este terrivle diya, su repuesta fue dada kon boz tremblando: "La Shoa esta kon mi, kada diya, entero el anyo." Eskrito en Ebreo, Mayo 2004  traduizido al ladino enero 2005 publiklado en syertas revistas I en L/K message 12210